ADACO ընկերության փորձառու ինժիներական խումբը շարունակաբար նախագծում է նորարարական շինարարական գործիքներ՝ առաջարկելով դինամիկ լուծումներ շինարարական այն գործընթացներում, որոնք չեն ենթարկվում ամբողջական ավտոմատացման և հիմնականում իրականացվում են ձեռքով։ Ընկերությունն առաջարկում է շինարարական լայն սպեկտորի գործիքներ, ինչպիսիք են ոչ ունիվերսալ և ձեռքի ամբարձիչ տեխնիկա, բռնիչներ, կրիչներ, տեղափոխման սայլակներ և այլ գործիքներ ինչպես ստանդարտ, այնպես էլ նախագծված՝ ըստ հաճախորդի տեխնիկական պահանջների։
Ընկերությունը նախագծում և արտադրում է մասնագիտացված գործիքներ և սարքավորումներ, որոնք թույլ են տալիս բարձրացնել արտադրողականությունը և ապահովել անվտանգության պայմանները անմիջապես ձեռքով իրականացվող շինարարական գործընթացներում։
Յուրաքանչյուր ապրանք մշակելիս ADACO-ն առաջնորդվում է հետևյալ հիմնարար սկզբունքներով․
- օգտագործման դյուրինություն,
- դիզայնի պարզություն և հուսալիություն,
- սպասարկման անհրաժեշտության բացակայություն,
- արագ հետգնում։
ADACO-ն իր հաճախորդներին առաջարկում է նաև արդեն իսկ արտադրված գործիքների հարմարեցում տարբեր շինարարական աշխատանքներին և հաճախորդի կարիքներին համապատասխանեցված նոր կոնստրուկցիաների մշակում։ Ելնելով այն հանգամանքից, որ համակարգչային նախագծումից մինչև տեստավորման և վերջնական արդյունքի ստացման փուլ բոլոր գործընթացներն իրականացվում են բացառապես Ընկերության կողմից՝ առաջարկվող անհատական ինժիներական լուծումներն իրագործվում են համալիր մոտեցմամբ և կարճ ժամկետներում։